Նկարագրություն
Արյան մեջ իմունոգլոբուլին E (IgE) դասի սպեցիֆիկ հակամարմինների քանակական որոշում, որոնք առաջանում են աշորայի և աշորայի ալյուրի նկատմամբ ալերգիկ ռեակցիայի դեպքում։
Այս հետազոտության իրականացումն անվտանգ է պացիենտի համար՝ մաշկային թեստերի (in vivo) համեմատ, քանի որ բացառվում է պացիենտի անմիջական շփումն ալերգենի հետ։ Հակահիստամինային դեղամիջոցների ընդունումը և տարիքային առանձնահատկությունները չեն ազդում հետազոտության որակի և ճշգրտության վրա։
Հետազոտությունն օգտագործվում է ալերգիկ հիվանդություններով (սննդային ալերգիա, սուր և քրոնիկական եղնջացան, անգիոայտուց, ատոպիկ դերմատիտ, բրոնխիալ ասթմա, ալերգիկ ռինիտ) պացիենտների մոտ աշորայի ալյուրի նկատմամբ սենսիբիլիզացիայի ախտորոշման, ինչպես նաև աշորայի և աշորայի ալյուրի նկատմամբ ալերգիկ ռեակցիաների զարգացման ռիսկի գնահատման համար։
Հետազոտությունը նշանակվում է աշորա պարունակող սննդամթերք օգտագործելուց կամ աշորայի ալյուրի հետ շփվելուց հետո ալերգիկ բնույթի ախտանիշների առկայության դեպքում, ինչպիսիք են մաշկի կարմրությունն ու քորը, ցանը, անգիոնևրոտիկ այտուցը, կոկորդի այտուցը, հազը, բրոնխոսպազմը, սրտխառնոցը, փսխումը, որովայնային ցավը և փորլուծությունը։
Հետազոտությունը նաև նշանակվում է հացազգիների նկատմամբ ալերգիայի առկայության դեպքում, հացթուխների մոտ ասթմայի և այլ ալերգիկ հիվանդությունների զարգացման ժամանակ, պոլիվալենտ սենսիբիլիզացիայի դեպքում, ինչպես նաև մաշկային թեստավորման և սադրիչ փորձերի կասկածելի արդյունքների դեպքում։
Կատարման ժամկետը
Մինչև հաջորդ օրվա 00:00. Նշված ժամկետը չի ներառում կենսանյութի վերցման օրը
Կենսանյութի տեսակ