Նկարագրություն
Ադենովիրուսներն առաջացնում են սուր հիվանդություններ, որոնք ընթանում են շնչառական օրգանների, աչքերի և ավշային հանգույցների ախտահարմամբ։ Ադենովիրուսային վարակի առավել հաճախ հանդիպող կլինիկական ձևերն են ՍՇՎՎ-ն, ֆարինգիտը, ֆարինգոկոնյունկտիվալ տենդը, տոնզիլիտը, միջին օտիտը և համաճարակային կերատոկոնյունկտիվիտը։ Հնարավոր է ստամոքսաղիքային համակարգի օրգանների ախտահարում՝ ադենովիրուսային գաստրոէնտերիտով։ IgA դասի (սեկրետոր) հակամարմիններն ապահովում են առավելապես տեղային պաշտպանություն լորձաթաղանթների մակարդակում։ IgA հակամարմինների ի հայտ գալը և կոնցենտրացիայի աճը կարելի է դիտարկել ինչպես առաջնային վարակի, այնպես էլ վերավարակման և լատենտային վարակի սրացման ժամանակ։ IgA հակամարմինների հայտնաբերվող մակարդակները որոշվում են ընթացիկ վարակի ոչ բոլոր դեպքերում։ IgG հակամարմիններն ի հայտ են գալիս վարակվելուց մի քանի օր անց։ Դրանց կոնցենտրացիան արագորեն աճում է սուր վարակի շրջանում։ Լիարժեք ախտորոշիչ պատկեր ստանալու համար անհրաժեշտ է IgA և IgG հակամարմինները որոշել միաժամանակ։ Սուր վարակի սերոլոգիական հաստատման համար ցանկալի է իրականացնել IgA և IgG հակամարմինների համալիր որոշում դինամիկայում՝ 10-14 օր ընդմիջումով։
Կատարման ժամկետը
Մինչև 9 օր
Կենսանյութի տեսակ