Նկարագրություն
Chlamydia trachomatis-ի արտաքին թաղանթի գլխավոր սպիտակուցը (MOMP) մտնում է ռետիկուլյար և տարրական մարմինների բջջապատի կազմի մեջ։ Սինթեզվում է խլամիդիաների զարգացման ցիկլի բոլոր փուլերում՝ վարակի արդյունավետ ձևի դեպքում։ Նրա բաժինը կազմում է բջջապատի սպիտակուցների 60%-ը։ Pgp3 սպիտակուցը կոդավորվում է խլամիդիաների ընդհանուր պլազմիդով, պատասխանատու է վիրուլենտականության և բակտերիաների՝ վարակի վերընթաց ձև առաջացնելու ունակության համար։ Արտադրվում է վարակված բջջի ցիտոզոլում՝ վարակի ուշ փուլում։ Ախտահարված բջջի լիզիսի ժամանակ Pgp3-ը չեզոքացնում է իմունային համակարգի հակախլամիդիային ակտիվությունը՝ այդպիսով պաշտպանելով խլամիդիաներին և նպաստելով նրանց տարածմանը մարդու օրգանիզմում։ Pgp3-ի նկատմամբ IgG դասի հակամարմինները հայտնվում են հիվանդության սկսվելուց 3-4 շաբաթ հետո։ MOMP-ը և Pgp3-ը տեսակ-սպեցիֆիկ են, ինչը բացառում է խաչաձև ռեակցիաների հնարավորությունը խլամիդիաների այլ տեսակների առկայության դեպքում։
Հետազոտությունը խորհուրդ է տրվում միզասեռական խլամիդիոզի ախտորոշման դեպքում՝ հիվանդության լատենտ, անախտանիշ ընթացքի, ինչպես նաև վառ արտահայտված կլինիկական պատկերի ժամանակ։
Կատարման ժամկետը
Մինչև 6 օր. Նշված ժամկետը չի ներառում կենսանյութի վերցման օրը
Կենսանյութի տեսակ