Հակամարմիններ լեյշմանիայի նկատմամբ (Leishmania infantum)

Leishmania infantum-ի նկատմամբ սպեցիֆիկ հակամարմինների (IgM և IgG) որոշումը կարող է օգտագործվել որպես վիսցերալ լեյշմանիոզի ախտորոշման լրացուցիչ մեթոդ։ Լեյշմանիոզը պարզագույններով առաջացած տրանսմիսիվ հիվանդություն է, Leishmania infantum-ը վիսցերալ լեյշմանիոզի հարուցիչն է (միջերկրածովյան լեյշմանիոզ, կալա-ազար)։ Վիսցերալ լեյշմանիոզը բնութագրվում է խրոնիկ ընթացքով, տենդով, քաշի կորստով, սպլենոմեգալիայով, լիմֆադենոպաթիայով, լեյկոպենիայով, սակավարյունությամբ, հեպատոսպլենոմեգալիայով, արյան մեջ իմունոգլոբուլինների պարունակության զգալի աճով և երկրորդային վարակների զարգացմամբ։ Վիսցերալ լեյշմանիոզի դեպքում հարուցիչները չեն մնում մաշկի մեջ ինոկուլյացիայի վայրում, այլ տարածվում են խոշոր պարենքիմային օրգանների՝ փայծաղի, լյարդի և ոսկրածուծի ռետիկուլոէնդոթելի միջոցով։ Կլինիկական դրսևորումները հիմնականում նկատվում են փոքր տարիքի երեխաների մոտ։ Մեծահասակների շրջանում սովորաբար գերակշռում են լատենտ վարակ ունեցող անձինք։ Շատ հաճախ Leishmania infantum-ը ախտահարում է ՄԻԱՎ-վարակ ունեցող հիվանդներին։

Մինչև 10 օր. Նշված ժամկետը չի ներառում կենսանյութի վերցման օրը