Նկարագրություն
Կարմրուկը սուր վիրուսային հիվանդություն է, որը բնութագրվում է ընդհանուր ինֆեկցիոն ինտոքսիկացիայով, տենդով, էնանթեմայով (բծեր լորձաթաղանթի վրա), մակուլոպապուլյոզ ցանով, շաղկապենիների և շնչուղիների վերին հատվածների ախտահարմամբ։ Հիվանդության հարուցիչը պատկանում է պարամիքսովիրուսների ընտանիքի ՌՆԹ պարունակող վիրուսներին։ Ինկուբացիոն շրջանը միջինում կազմում է 10-12 օր։ Վարակի փոխանցման հիմնական ուղին օդակաթիլայինն է։ Սերոլոգիական դիագնոստիկայի առավել ճշգրիտ արդյունքներ ստանալու համար կենսանյութի նմուշները պետք է վերցվեն երկու անգամ՝ ցանավորման շրջանի 3-րդ օրվանից ոչ ուշ և առաջին հետազոտությունից 10-14 օր անց։ IgG-ի հետազոտությունն օգտագործվում է հիվանդության ախտորոշումը հաստատելու, պատվաստումից առաջ և հետո հակակարմրուկային իմունիտետը գնահատելու նպատակով։ Կարմրուկի վիրուսի նկատմամբ IgG դասի հակամարմիններն ի հայտ են գալիս վաղ ռեկոնվալեսցենցիայի շրջանում (հիվանդության սկզբից 12-14 օր անց)։ Հակամարմինների տիտրը բարձր է մնում վարակը կրելուց հետո մոտ 10 տարի։ Այս դասի հակամարմինների մակարդակի ավելի քան 4 անգամ բարձրացումը բազային մակարդակի համեմատ վկայում է կարմրուկի հարուցիչով կրկնակի վարակման մասին։ * Արդյունքը տրվում է քանակական արժեքով։
Կատարման ժամկետը
Մինչև 3 օր. Նշված ժամկետը չի ներառում կենսանյութի վերցման օրը
Կենսանյութի տեսակ