Բիկարբոնատ

Բիկարբոնատները արյան պլազմայի անիոնների ֆրակցիաներից մեկն են, որը ներառում է բիկարբոնատի (HCO3) և կարբոնատի (CO3) իոնները, ինչպես նաև կարբամինային միացությունները: Արյան մեջ բիկարբոնատի պարունակությունն արտացոլում է էլեկտրոլիտային խանգարումները և անիոնների դեֆիցիտը: Այն արյան թթվահիմնային հավասարակշռության (արյան pH) հիմնական ցուցանիշներից մեկն է: Բիկարբոնատն իրենից ներկայացնում է էլեկտրոլիտ՝ բացասական լիցքավորված իոն, որն օրգանիզմն օգտագործում է օրգանիզմում թթվահիմնային հավասարակշռությունը (pH) պահպանելու համար: Այն նաև աշխատում է այլ էլեկտրոլիտների (նատրիում, կալիում և քլորիդ) հետ՝ բջջային մակարդակում էլեկտրական չեզոքությունը պահպանելու համար: Այս թեստը չափում է արյան մեջ ածխաթթու գազի (CO2) ընդհանուր քանակը, որը հանդիպում է հիմնականում բիկարբոնատի (HCO3–) ձևով: CO2-ն հիմնականում տարբեր մետաբոլիկ պրոցեսների կողմնակի արգասիք է: Բիկարբոնատի չափումը՝ որպես էլեկտրոլիտային կամ մետաբոլիկ պանելի մեկ մաս, կարող է օգնել ախտորոշել էլեկտրոլիտային դիսբալանսը, ացիդոզը կամ ալկալոզը: Ացիդոզը և ալկալոզը ոչ նորմալ վիճակներ են, որոնք ի հայտ են գալիս թթվի կամ ալկալու ավելցուկով պայմանավորված արյան pH-ի դիսբալանսի արդյունքում: Այս դիսբալանսը սովորաբար պայմանավորված է որևէ հիմնական վիճակով կամ հիվանդությամբ:

Մինչև 4 օր. Նշված ժամկետը չի ներառում կենսանյութի վերցման օրը