Զուգընկերների գենետիկական հյուսվածահամատեղելիություն

Նկարագրություն

Համալիր հետազոտություն, որը որոշում է զուգընկերների գենետիկական հյուսվածահամատեղելիությունը: Ըստ HLA գեների տարբերակների ամուսինների միջև տարբերությունը համարվում է հղիության հաջող վրա հասնելու և այն կրելու կարևոր պայմաններից մեկը: Ըստ HLA գեների տարբերակների ամուսինների միջև նմանությունը հանգեցնում է միանման գեների տարբերակների կրկնակի հավաքածուով պտղի, այսինքն՝ HLA հոմոզիգոտների առաջացման հավանականության բարձրացմանը, կամ ըստ HLA գենոտիպի պտղի և մոր ամբողջական համապատասխանությանը, ինչը անբարենպաստ գործոն է, որի հետևանք կարող են դառնալ վերարտադրողական կորուստները: Այդ կապակցությամբ HLA տիպավորումն օգտագործում են հղիության չկրման և անպտղության պատճառների ախտորոշման համար: Վերարտադրողական խանգարումների դեպքում կարևոր է ամուսինների մոտ II դասի HLA գեների տարբերակների համընկնումների քանակը. որքան դրանք քիչ են, այնքան բարձր է հղիության վրա հասնելու հավանականությունը: II դասի HLA գենոտիպավորումն իր մեջ ներառում է գեների բոլոր հնարավոր տարբերակներից կոնկրետ տարբերակների որոշումը: Հետազոտության մեջ ներառված են HLA գենի 3 լոկուսներ՝ HLA-DRB1, HLA-DQA1 և HLA-DQB1: