Մաշկի, մազերի և եղնգաթիթեղների հետազոտություն մակերեսային միկոզների վերաբերյալ

Նկարագրություն

Եղնգաթիթեղներից և մաշկից, ինչպես նաև մազարմատներով մազերից ստացված կենսանյութի որակական մանրադիտակային հետազոտություն՝ դրանցում միկոզներ (եղունգների և մաշկի ախտահարում) առաջացնող սնկերի միցելիումի/սպորների առկայության կամ բացակայության վերաբերյալ: Հարուցչի տեսակի նույնականացում չի իրականացվում: Հետազոտությունն օգտագործվում է եղնգաթիթեղների և մաշկի սնկային ախտահարման ախտորոշումը հաստատելու համար: Կենսանյութի նմուշառման ցուցումներ. մաշկի թեփուկները քերում են (սկալպելով, մկրատով) ախտահարման օջախի ծայրամասից և տեղադրում ստերիլ պլաստիկ տարայի մեջ: Եղունգի կասկածելի հատվածները կտրում են կամ սկալպելով հեռացնում, տեղադրում ստերիլ պլաստիկ տարայի մեջ: Հետազոտության համար մազերը պետք է լինեն մազարմատով (չկտրված):