Նկարագրություն
Լաբորատոր հետազոտություն, որի նպատակն է ցիստիտի նշանների հայտնաբերումը, հիվանդության հարուցչի անջատումը և հակաբակտերիալ պրեպարատների նկատմամբ վերջինիս զգայունության որոշումը: Այս հետազոտությունը կիրառելի է նաև միզուղիների ստորին հատվածների բորբոքային հիվանդությունների տարբերակիչ ախտորոշման համար: Մեզի հետազոտությունը երկու բաժնով (առավոտյան մեզի առաջին և միջին բաժիններ) կիրառվում է միզուղիներում բորբոքային պրոցեսի տեղային ախտորոշման համար: Մեզի առաջին բաժինը ծառայում է միզուկի ստորին և միջին հատվածներում բորբոքային փոփոխությունների հայտնաբերման համար: Երկրորդ բաժինը ցուցիչ է միզուկի վերին հատվածների և միզապարկի համար: Այսպիսով, գնահատելով յուրաքանչյուր բաժնի փոփոխությունները, կարելի է մոտավորապես որոշել բորբոքային պրոցեսի գերակշռող տեղակայումը: Միայն մեզի առաջին բաժնում հայտնաբերված ախտաբանական փոփոխությունները բնորոշ են ուրեթրիտին: Եթե բորբոքային պրոցեսի բնորոշ պատկերը հայտնաբերվում է ինչպես երկրորդ, այնպես էլ առաջին բաժնում, ապա կարելի է ենթադրել ցիստիտի առկայություն: Մեզի երկրորդ բաժնում առկա փոփոխությունները բնորոշ են շագանակագեղձի և սերմնաբշտերի բորբոքային հիվանդություններին: Հարուցչի անջատումը, դրա առկայության դեպքում, իրականացվում է ցանքսի մեթոդով՝ հակաբիոտիկների նկատմամբ զգայունության հետագա որոշմամբ, ինչը թույլ է տալիս ընտրել առավել արդյունավետ հակաբակտերիալ թերապիա:
Կատարման ժամկետը
Մինչև 6 օր. Նշված ժամկետը չի ներառում կենսանյութի վերցման օրը
Կենսանյութի տեսակ
- Առավոտյան մեզի առաջին չափաբաժին
- Առավոտյան մեզի միջին բաժին