NIPT First Test Medium (21, X, Y քրոմոսոմների անեուպլոիդիաներ)

Նկարագրություն

First Test Light պրենատալ թեստը նախատեսված է հետազոտվող քրոմոսոմների լոկուսների քանակական ներկայացվածությունը որոշելու համար՝ երեխայի մոտ 21-րդ (Դաունի համախտանիշ), X և Y քրոմոսոմներով պայմանավորված անեուպլոիդիաների ռիսկը հաշվարկելու նպատակով։ Այս մեթոդն իրականացվում է հղի կնոջ արյան մեջ ազատ շրջանառվող պտղային ԴՆԹ-ի ուղղակի վերլուծության միջոցով։ Տվյալների վերլուծության ժամանակ հաշվի է առնվում նաև մոր տարիքը և գեստացիայի ժամկետը։

Թեստը հետազոտում է սաղմնա-ընկերքային արտաբջջային ԴՆԹ-ն, որն անջատվել է մոր պլազմայից հղիության 10 շաբաթից սկսած։ Գնահատվում է երեխայի մոտ գենետիկական հիվանդության ռիսկը։ Հետազոտությունը թույլ է տալիս ենթադրել որոշ խանգարումներ և համախտանիշներ և այնուհետև, դրանց մասին իմանալով, ծնված երեխայի ժամանակին բուժում իրականացնել։ Ընդ որում, հարկ է հաշվի առնել, որ սա սքրինինգային թեստ է, այսինքն՝ դրա արդյունքներով ախտորոշում դնել հնարավոր չէ։ Այն գնահատում է քրոմոսոմային պաթոլոգիաների հավանականությունը, սակայն թույլ չի տալիս դրանք միանշանակ ախտորոշել՝ նույնիսկ բարձր ռիսկ հայտնաբերելու դեպքում։ Այս թեստի արդյունքը ախտորոշում չէ, այլ ընդամենը վիճակագրական հավանականային թիվ։ Թեստը կատարվում է հղիության 10-րդ շաբաթից։ Մեթոդը հարմար է ինչպես միապտուղ, այնպես էլ երկպտուղ հղիության համար։

Պրենատալ գենետիկական հետազոտությունը գնահատում է քրոմոսոմային անոմալիաների ռիսկը։ Եթե խանգարումների ռիսկ առկա է, հնարավոր է պատրաստ լինել ախտորոշմանը, նախապես հոգ տանել այն մասին, որ ձեր երեխային ապահովվի մասնագիտացված աջակցություն և բժշկական օգնություն։ Բժշկության ժամանակակից հնարավորությունների պայմաններում շատ բնածին պաթոլոգիաների դեպքում հնարավոր է կյանքի բավականին բարձր որակ։

Երեխայի մոտ արատների զարգացման բարձր ռիսկի հայտնաբերումը ախտորոշում չէ։ Հնարավոր են կեղծ դրական արդյունքներ։

Հետազոտությունը չի կատարվում հետևյալ դեպքերում.

- հղիության ժամկետը արյուն հանձնելու պահին 10 մանկաբարձական շաբաթից պակաս է;
- ուռուցքային հիվանդություններ;
- օրգանների, ոսկրածուծի փոխպատվաստում, ցողունային բջիջներով բուժում;
- մեկ տարվա ընթացքում ալոգեն արյան փոխներարկում;
- չորս շաբաթվա ընթացքում մարդու շիճուկային ալբումինով և/կամ ԴՆԹ-ի էքսոգեն բջիջներով թերապիա;
- 24 ժամվա ընթացքում հեպարինով թերապիա;
- բազմապտուղ հղիության ժամանակ պտուղներից մեկի մահ (կանգ առած պտուղը հայտնաբերելուց 8 շաբաթ չանցած);
- երկուսից ավելի պտուղներով հղիություն;
- դոնորական ծրագրերի կիրառմամբ երկու պտուղներով հղիություն (դոնորական ձվաբջիջ, սուրոգատ մայրություն)։