Ցանքս աէրոբ և ֆակուլտատիվ-անաէրոբ ֆլորայի նկատմամբ

Սա մանրէաբանական հետազոտություն է, որը թույլ է տալիս որոշել հետազոտվող կենսանյութի միկրոֆլորայի որակական և քանակական կազմը, այդ թվում՝ հայտնաբերել բարձր տիտրով պայմանականորեն ախտածին միկրոօրգանիզմներ և ախտածին միկրոօրգանիզմներ, որոշել դրանց զգայունությունը հակաբիոտիկների և բակտերիոֆագերի նկատմամբ: Մանրէաբանական մեթոդով նորմալ միկրոֆլորա կազմող միկրոօրգանիզմների կամ ախտորոշիչից ցածր տիտրով պայմանականորեն ախտածին միկրոօրգանիզմների հայտնաբերման դեպքում հակաբիոտիկների և բակտերիոֆագերի նկատմամբ զգայունությունը չի որոշվում, քանի որ այդ քանակությունը նշանակալի չէ և չի պահանջում բուժում հակամանրէային դեղամիջոցներով: Անաէրոբ ֆլորային են դասվում ակտինոմիցետները, բակտերոիդները, կլոստրիդիաները, էուբակտերիաները և ֆուզոբակտերիաները, պեպտոստրեպտոկոկերը, պրոպիոնոբակտերիաները, վեյլոնելաները, պրևոտելաները, գեմելաները, պորֆիրոմոնադները, բիֆիդոբակտերիաները: * Մեզի ցանքսն իրականացվում է Alfred60 (ALIFAX, Իտալիա) անալիզատորի միջոցով, որը արտոնագրված տեխնոլոգիայի կիրառմաբ՝ բարձր զգայունությամբ և սպեցիֆիկությամբ լազերային լուսացրման մեթոդով, հայտնաբերում է բակտերիաների առկայությունը և նրանց կայունությունը հակաբիոտիկների նկատմամբ նմուշի տեղադրման պահից սկսած 6 ժամվա ընթացքում: Այդ իսկ պատճառով մեզի ցանքսի բացասական արդյունքը կարող է տրամադրվել պատվերի ձևակերպման պահից 1 օրից պակաս ժամկետում: *Հակաբիոտիկների հավաքածուն կախված է անջատված միկրոօրգանիզմից և կոմերցիոն թեստ-համակարգից, որը տվյալ պահին տրամադրվում է արտադրողի կողմից՝ ժամանակակից ուղեցույցների համաձայն / հասանելի է գնման համար տվյալ տարածաշրջանում:

Մինչև 6 օր. Նշված ժամկետը չի ներառում կենսանյութի վերցման օրը