Նկարագրություն
Ոսկեգույն ստաֆիլոկոկը (Staphylococcus aureus) գրամ-դրական բակտերիա է, որը դասվում է պայմանական պաթոգեն միկրոօրգանիզմների շարքին: Ունի կարևոր կլինիկական նշանակություն, քանի որ կարող է երկար ժամանակ անախտանիշ բնակվել մարդու լորձաթաղանթների և մաշկի մակերեսին՝ առաջացնելով հիվանդություն միայն օրգանիզմի իմունային կարգավիճակի նվազման կամ նորմալ միկրոֆլորայի քանակի նվազման դեպքում: Կախված օրգանիզմում բնակվելու վայրից՝ միկրոօրգանիզմը կարող է առաջացնել տարբեր հիվանդություններ (վերին և ստորին շնչուղիների ախտաբանական գործընթացներ, մաշկի վարակիչ-բորբոքային հիվանդություններ, աղիքային վարակներ և այլն): Ոսկեգույն ստաֆիլոկոկը մեծ նշանակություն ունի նորածինների և կրծքի հասակի երեխաների ախտաբանության մեջ, ինչից ելնելով՝ տվյալ միկրոօրգանիզմի առկայության վերաբերյալ հետազոտությունը պարտադիր է հղի կանանց համար: Քանի որ S. aureus-ի թաքնված բակտերիակրությունը բավականին տարածված երևույթ է, վերին շնչուղիներում միկրոօրգանիզմի առկայության վերաբերյալ պարտադիր հետազոտության են ենթակա հանրային սննդի ոլորտի աշխատողները, բուժաշխատողները և բնակչության որոշ այլ խմբեր: Մանրէաբանական մեթոդը թույլ է տալիս անջատել ոսկեգույն ստաֆիլոկոկը հատուկ սննդամիջավայրերում՝ դրանով իսկ ապացուցելով դրա առկայությունը օրգանիզմում և հնարավոր դերը ախտաբանության զարգացման գործում, կամ թաքնված բակտերիակրությունը: Տվյալ հետազոտությունում իրականացվում է ոսկեգույն ստաֆիլոկոկի քանակական որոշում:
Կատարման ժամկետը
Մինչև 5 օր. Նշված ժամկետը չի ներառում կենսանյութի վերցման օրը
Կենսանյութի տեսակ
- Կրծքի կաթ (աջ)
- Կրծքի կաթ (ձախ)
- Կղանք
- Քսուք ըմպանից (բերանըմպանից)
- Քսուք շաղկապենուց (աջ)
- Քսուք շաղկապենուց (ձախ)
- Քսուք քթից
- Միզասեռական քսուք
- Միզասեռական քսուք (շականակագեղձի արտազատուկով)
- Խորխ
- Վերքային արտադրություն
- Արտադրություն ականջից (աջ)
- Ականջի արտադրություն (ձախ)
- Ռեկտալ քսուք
- Առավոտյան մեզի միջին բաժին