Նկարագրություն
Շարակցական հյուսվածքի համակարգային հիվանդությունները (ՇՀՀՀ) հիվանդությունների խումբ են (ռևմատոիդ արթրիտ, պոլիմիոզիտ և դերմատոմիոզիտ, համակարգային կարմիր գայլախտ (ՀԿԳ), համակարգային սկլերոդերմիա, Շեգրենի համախտանիշ, համակարգային վասկուլիտներ, շարակցական հյուսվածքի խառը հիվանդություն և այլն): ՇՀՀՀ ախտորոշումը բավականին դժվար է և կրում է համալիր բնույթ, ընդ որում, լաբորատոր ախտորոշման մեթոդները զբաղեցնում են կենտրոնական տեղ: Առաջին փուլով իրականացվում են սքրինինգային հետազոտություններ: Սքրինինգային թեստերի դրական արդյունքի դեպքում նպատակահարմար է իրականացնել հետագա հետազոտություններ ՇՀՀՀ վերաբերյալ: Սքրինինգային թեստերի բացասական արդյունքը վկայում է այն մասին, որ տվյալ պացիենտի մոտ ՇՀՀՀ-ի հավանականությունը շատ ցածր է, և այս ախտորոշումը քիչ հավանական է: Այս թեստը որոշում է բջիջների կորիզներում գտնվող սպիտակուցների և այլ բաղադրիչների նկատմամբ ավտոհակամարմինները և ծառայում է որպես շարակցական հյուսվածքի համակարգային հիվանդությունների մարկեր: Տրվում է մեկ արդյունք՝ ընդհանուր բոլոր հակամարմինների համար (թեստը նախատեսված չէ ՇՀՀՀ-ների միջև դիֆերենցիալ ախտորոշման համար):
Կատարման ժամկետը
Մինչև 7 օր. Նշված ժամկետը չի ներառում կենսանյութի վերցման օրը
Կենսանյութի տեսակ