Նկարագրություն
Պանելում ներկայացված բոլոր ալերգեններն ունեն արտահայտված սենսիբիլիզացնող ակտիվություն: Տնային փոշու ալերգենները շատ բազմազան են իրենց բաղադրությամբ: Դրանք ներառում են կենդանական, բուսական ծագման նյութեր, սնկերի, միջատների, բակտերիաների կենսագործունեության արգասիքներ: Տնային փոշու բաղկացուցիչ մաս կարող են լինել Dermatophagoides pteronyssinus ցեղի տզերը, կատվի էպիթելը, շան էպիթելը, Aspergillus fumigatus ցեղի սնկերի ալերգենները: Ալերգիկ ռեակցիայի դրսևորումները, որպես կանոն, հազի նոպաներն են, դժվարացած շնչառությունը և մշտական հարբուխը, հատկապես առավոտյան ժամերին: Այս հետազոտությունը թույլ է տալիս որոշել մարդու օրգանիզմի սենսիբիլիզացիայի առկայությունը այս ալերգենների նկատմամբ և ունի նշանակություն բրոնխիալ ասթմայի, էկզեմայի, ատոպիկ դերմատիտի, ռեսպիրատոր ալերգոզների, ալերգիկ կոնյուկտիվիտի պատճառների ախտորոշման համար: * Ալերգոլոգիական հետազոտությունների ներքո, որոնց անվանման մեջ առկա է «ալերգենների խառնուրդ» բառակապակցությունը, հասկացվում է համալիր սքրինինգային հետազոտություն, որը թույլ է տալիս հայտնաբերել սենսիբիլիզացիան (օրգանիզմի բարձր զգայունությունը) ալերգենների որոշակի խմբի նկատմամբ: Ընդ որում, տվյալ հետազոտության արդյունքը տրամադրվում է ընդհանուր՝ ըստ ալերգենների խառնուրդի, այլ ոչ թե ըստ այդ խմբի մեջ մտնող յուրաքանչյուր կոնկրետ ալերգենի:
Կատարման ժամկետը
Մինչև 4 օր. Նշված ժամկետը չի ներառում կենսանյութի վերցման օրը
Կենսանյութի տեսակ