Նկարագրություն
Գետնընկույզը, նուշը, պնդուկը, կոկոսը, Բրազիլական ընկույզը առաջացնում են սննդային անտանելիության ախտանիշների արագ զարգացում (դրանք օգտագործելուց արդեն 1-3 օր անց): Ախտանիշները հատկապես լավ են արտահայտված մեծահասակների մոտ, երեխաների մոտ առավել հաճախ նկատվում է տվյալ մթերքի նկատմամբ սննդային անտանելիության դանդաղ և թաքնված ընթացք: Տվյալ թեստն օգտագործվում է պանելի ալերգենների նկատմամբ սննդային անտանելիության ախտորոշման համար: Սննդամթերքի նկատմամբ անտանելիությունը հանդիպում է ավելի հաճախ՝ ի տարբերություն սննդային ալերգիայի, և ընթանում է սպեցիֆիկ G իմունոգլոբուլինների (IgG-միջնորդավորված) մասնակցությամբ ալերգիկ ռեակցիաների տիպով: Ընդ որում զարգանում է թաքնված սննդային ալերգիա՝ դանդաղ տիպի ալերգիա, ինչն ավելի վտանգավոր է, քանի որ հիվանդության արտաքին կլինիկական դրսևորումները զարգանում են դանդաղ (մինչև մի քանի օր), իսկ ոչ հազվադեպ դրանք կարող են ընդհանրապես բացակայել երկար ժամանակ: Օրգանիզմի օրգաններում և հյուսվածքներում դանդաղ պրոգրեսիվող ախտաբանական գործընթացները հաճախ կարող են հանգեցնել ստամոքսաղիքային համակարգի, շնչառական, նյարդային համակարգերի, մաշկի խրոնիկական հիվանդությունների, ինչպես նաև կարող են բացասական ազդեցություն ունենալ հոգեկան ոլորտի վրա (դեպրեսիա, գերգրգռվածություն երեխաների մոտ): * Իրենց անվանման մեջ «ալերգենների խառնուրդ» բառակապակցությունը պարունակող ալերգոլոգիական հետազոտությունների ներքո հասկացվում է համալիր սքրինինգային հետազոտություն, որը թույլ է տալիս հայտնաբերել սենսիբիլիզացիան (օրգանիզմի բարձր զգայունությունը) ալերգենների որոշակի խմբի նկատմամբ: Ընդ որում, տվյալ հետազոտության արդյունքը տրամադրվում է ալերգենների խառնուրդի համար ընդհանուր, այլ ոչ թե այդ խմբի մեջ մտնող յուրաքանչյուր կոնկրետ ալերգենի համար առանձին:
Կատարման ժամկետը
Մինչև 3 օր. Նշված ժամկետը չի ներառում կենսանյութի վերցման օրը
Կենսանյութի տեսակ