Առողջ ստամոքս

Համալիր հետազոտություն ստամոքսի լորձաթաղանթի վիճակի, լորձաթաղանթի սեկրետոր ակտիվության ոչ ինվազիվ գնահատման, գաստրիտի (ատրոֆիկ, ավտոիմունային) ախտորոշման համար։ Թույլ է տալիս պատկերացում կազմել աղաթթվի սեկրեցիայի մակարդակի մասին, պարզել ստամոքսի լորձաթաղանթում փոփոխությունների բնույթն ու արտահայտվածությունը, ինչպես նաև Helicobacter pylori-ով վարակվածության փաստը, որը խրոնիկ գաստրիտի, ստամոքսի խոցային հիվանդության և ստամոքսի քաղցկեղի հիմնական պատճառն է։ H. pylori-ն կարող է հանգեցնել որոշ վիտամինների (B12) և միկրոտարրերի (ցինկ, կալցիում, երկաթ, մագնեզիում) ներծծման խանգարման։ Հետազոտության արդյունքները կօգնեն մշակել դիսպեպսիայի, գաստրիտի, այդ թվում՝ H. pylori վարակի հետ ասոցացված, հետագա հետազոտության կամ բուժման ռազմավարությունը։ Հետազոտության ոչ ինվազիվ մեթոդը (երակային արյան միջոցով) հարմար է այն մարդկանց համար, ովքեր ունեն հակացուցումներ գործիքային հետազոտության մեթոդների (ՖԳԴՍ, գաստրոսկոպիա) նկատմամբ։ Հետազոտությունը խորհուրդ է տրվում հետևյալ դեպքերում. գաստրիտի կասկած, ռեֆլյուքս, այրոց, օդով գխտոց սնվելուց հետո, նեխածի գխտոց, ծանրության զգացում կենդանական սպիտակուց օգտագործելուց հետո, անկայուն կղանք, կղանքում չմարսված սննդի մնացորդներ, տհաճ հոտ, լեզվի վրա սպիտակ փառ, սրտխառնոց, ստամոքսի գերլցվածության զգացում, սնվելուց հետո երկարատև ծանրության զգացում, փքվածություն, գազագոյացում, մարսողության խանգարում, ախորժակի վատթարացում, վաղ հագեցվածություն, անեմիա, միկրոնուտրիենտների և վիտամինների (ցինկի, B12, B9, երկաթի) դեֆիցիտ, դեղամիջոցների (պրոտոնային պոմպի ինհիբիտորներ (ՊՊԻ), անտացիդներ, ոչ ստերոիդային հակաբորբոքային միջոցներ (ՈՍՀԴ), գլյուկոկորտիկոստերոիդներ) տևական օգտագործում, խրոնիկ սթրես, հարազատների մոտ ստամոքսի հիվանդություններ (ստամոքսի քաղցկեղ)։

Մինչև 9 օր. Նշված ժամկետը չի ներառում կենսանյութի վերցման օրը